Transcription
1
Monseigneur, suivant ce quil vous auroit pleu nous escrire nous
2
avons adressé voz lettres et commission à monsieur de Moydieu
3
pour aller prendre la compagnie colonelle des Corses et icelle
4
conduire en ce pays et avons mis le pacquet es meins du secretaire
5
de Valence avec charge de suivre ledit sieur de Moydieu jusques
6
là où il sera à faulte de le rencontrer par les chemins, car sommes
7
en doubte si il retournera pour ce que avons entendu que
8
des Moirenc le sieur reverendissime cardinal d’Ursin a continué
9
son chemin par terre suivant le conseil de monsieur de Sainct
10
André et addresse quil luy a baillié pour avoir chevaulx et
11
recepvoir bon traictement par les chemins ; ce que ayans entendu,
12
nous sommes pensés que ung messagier à pied passant par les
13
prés ne le pourroit si facilement rencontrer par les chemins
14
que ung homme de cheval par le moien de larrivée de ladite
15
compagnie. Ce sera la poine en laquelle estions den entretenir
16
une adye. Sur ce, nous recommandans treshumblement à voz
17
bonnes graces, nous prions dieu vous donner
18
Monseigneur en tresbonne santé longue et heureuse vie. De Grenoble
19
ce premier octobre 1572
20
Vos tres humbles et obeissans serviteurs les
21
commis des estats de Daulphiné
22
Bourgel secretaire